مابـي حياتـي

موضوع: مابـي حياتـي الجمعة 16 مارس 2007, 2:56 am

مابـي حياتـي دام خلـي هجرنـي
مابي حياتـي دامـه يقـول مابيـك

يدري بظلم الناس يـدري وظلمنـي
واكد كـلام اللـي يقولـون ناسيـك

لكـن قبـل لاتاخـذ الـروح منـي
باسأل حبيبي كم سـؤال واخاويـك

وشلـون قلبـك ياحبيبـي تركنـي
وتدري بخفوقي كم له سنين هاويك

وماتدري بعـادك وصـدك ذبحنـي
وما تدري عن دمع نثرته وانا ارجيك

اسال جميع الناس وش صار عنـي
اسال وش اللي صار في حال مغليك

لو عاش عاقل عيشتي كـان جنـي
حالي لـو تشوفـه بعينـك يبكيـك

لوعلموك وش كثر همـي وحزنـي
من يوم حبي انتهى وصار ماضيـك

لو علموك عن قلبـي اللـي يونـي
مطعون يصـرخ يشتكيلـك يناديـك

صار الحزن هو لعبتي صـار فنـي
ابكي ندم والله الـى حـل طاريـك

ضيقت صدر ويا الهمـوم اسكنتنـي
احكي واكمـل ولا ماقلـت يكفيـك

اللي سمعتـه بسبتـك انـت جتنـي
عطيتني كرهك وانا الحب معطيـك

ضاعت سنيني وانـا بالحـب ابنـي
قصوور وانهدت سبب فعلت ايديـك

جاك الوفا والحـب والعشـق منـي
حتى الوله والشوق والصدق مهديـك

قلبي وفالك وانـت قلبـك خدعنـي
خدعت قلب كـان بالحـب شاريـك

بكذب وخيانه وغدر قلبـك حضنـي
في وقت قلبي فيه يسهـر يداريـك

ماكنت أظن قصدك بحبـك تذلنـي
ذليتني من بعـد مامـت انـا فيـك

هذي حقيقة بعـض مامنـك جتنـي
وبعض اللذي اسقيتني سم با ايديـك

ماكنت ساكت خايـف بـس لانـي
ميت بحبك ما أقدر ازعلك واشقيـك

حرّمت اقولك من محبتـك عطنـي
مادام غيري في محبتـه مرضيـك

ببعـد بعيـد واوعـدك مـا احنـي
ابشر اببعـد ومـع حبيبـك بخليـك

وابي مماتـي ياخـذ الـروح منـي
تاركلـك الدنيـا بهـا الله يهنـيـك

واذا سأل في يوم انا انسـان عنـي
قله توفـى والسبـب طعـن بيديـك

Admin عدد الرسائل : 430 تاريخ التسجيل : 23/02/2007

صح لسانك

والله يعيطك العافيه اخووووي

موضوع: رد: مابـي حياتـي الجمعة 16 مارس 2007, 3:06 am

يعطيك الف عافية نيوف

ومشكور على المرور

والله يخليك ذخر للمنتدى